Eis Formatiounen am Hierscht / Wanter 2021-2022
Hei fannt dir den éischte Formatiounsprogramm, dee mir iech als Parteimembere fir déi nächst Méint (September 2021 bis Ufank Mäerz 2022) ubidden. An d’Zukunft wëlle mir esou e Katalog systematesch opstellen.
De komplette Programm mat allen Informatiounen kënnt dir hei als PDF eroflueden an duerchstöberen:
Mir hu probéiert eng interessant Mëschung hinzekréien tëschent Formatiounen iwwer national a lokal Themen a Grondlagen, Méiglechkeete fir Kompetenzen auszebauen z.B. an der Kommunikatioun, a puer méi locker Aktivitéiten, ewéi gemeinsam Visitten, Filmvirféierungen oder e fräien Austausch op verschiddene Sproochen.
Mir sinn eis sécher, hei ass fir jiddereen:t eppes dobäi! Dir sidd all häerzlech wëllkomm, och wa mir beim Zilpublikum heiansdo mol präziséiert hunn, fir wien spezifesch Formatioune besonnesch interessant sinn.
Interesséiert? Da mellt iech elo un!
Umelle kënnt dir iech elo schonns fir all déi Formatiounen, déi iech interesséieren, via de Formulaire hei ënnendrënner oder iwwer Telefon am Parteisekretariat um 27 48 27 – 1.
Deadline: An der Reegel bis spéitstens 3 Deeg virun der Aktivitéit (ausser et gëtt anescht uginn)
Covid-Check: Bis op Weideres sinn all d’Aktivitéite Covid-Check-Eventer, de 3G-Prinzip gëtt applizéiert (geimpft, genesen, getestet).
