Actualité

Agenda

4Dec

10:30

Formatioun

Content Creation – mam Smartphone gutt Fotoë maachen a verwäerten

Fraktioun

Op de Social Media Plattforme ass et wichteg, interessante Contenu ze posten. Dofir brauch ee gutt Fotoen a Biller. An dëser Formatioun léiert dir, wéi ee gutt Fotoe mam Smartphone mécht a wéi een déi editéiere kann. Eng kleng Basis vum Grafik Design a vun der grénger Coroporate Identity kritt dir och erkläert. Dës Formatioun ass als praktesche Workshop mat Bléck op de Gemengewalkampf geduercht, an als Suivi vun de Tutorials-Videoen, déi dir online fannt. Hei klicken. De Formateur ass den Alex Carvalho, Fotograf, Videograf a Content Creator vun der Partei.

Dir kënnt iech via de Formulaire op eisem Internetsite umellen: déi gréng (greng.lu) 

De komplette Formatiounsprogramm fannt dir hei: Formatiounsprogramm-Hierscht-Wanter-2021-2022.pdf (greng.lu)

9Dec

18:30

Formatioun

Klimaschutz an nohalteg Energieversuergung

FNEL

Wat sinn d’wëssenschaftlech Grondlage vun der aktueller Klimakris? Wat sinn déi gréissten Erausfuerderungen a firwat? Wat maache mir um politesche Plang dergéint a wat sinn eis Ziler an
Instrumenter? Wat hu mir an der Regierung schonns ëmgesat? D’Formatioun ass an zwee Deeler opgedeelt: de wëssenschafleche Volet an de politesche Volet. Hei kréien d’Leit fir d’éischt déi wëssenschaftlech Fakten am Bezuch zum Klimawandel. An engem zweeten Deel wëlle mir erklären, wat déi grouss politesch Zilsetzunge sinn, a wat fir eng politesch Instrumenter et géint de Klimawandel gëtt, sou wuel um lokale, nationale wéi och um internationalen Niveau. Den Haaptakzent gëtt op de lokalen a nationalen Niveau zu Lëtzebuerg geluecht, a mir wëllen och op déi Instrumenter besonnesch agoen, déi mir an der Regierung ëmgesat hunn. Eis Formatrice fir de wëssenschaftleche Volet ass d’Jessie Thill, gréng Schäffin zu Walfer an diploméiert an Ëmweltphysik. Ëm de politesche Volet këmmert sech d’Sarah Jacobs, Fraktiounsmataarbechterin, wat um Klima- an Ëmweltdossier schafft.

Dir kënnt iech via de Formulaire op eisem Internetsite umellen: déi gréng (greng.lu) 

De komplette Formatiounsprogramm fannt dir hei: Formatiounsprogramm-Hierscht-Wanter-2021-2022.pdf (greng.lu)

D’Formatioun fënnt an der FNEL statt (61A, route de Trèves, L-2630 Luxembourg).

12Dec

15:00

Austausch a Visitt am Musée

Visitt guidée vun der Ausstellung “Gleef dat net”

Lëtzebuerg City Museum

Zënter dem Ausbroch vun der Covid-19 Pandemie an de sanitäre Moossnamen, sinn immens vill Verschwörungstheorien zirkuléiert an zu engem dominanten Thema ginn. “Alternativ” Internet
Medien a Gruppen op de soziale Medien manipuléiren ëmmer méi Leit. Verschwörungstheorië sinn awer kee neit Phänomen. Si erschéngen ëmmer erëm an der mënschlecher Geschicht. Dës Ausstellung ënnersicht d’Urspréng, d’Funktionalitéit an d’Verbreedung vu Verschwörungstheorien.

Dir kënnt iech via de Formulaire op eisem Internetsite umellen: déi gréng (greng.lu) 

De komplette Formatiounsprogramm fannt dir hei: Formatiounsprogramm-Hierscht-Wanter-2021-2022.pdf (greng.lu)

D’Ausstellung ass am Lëtzbuerg City Museum (14 Rue du St Esprit, 1475 Luxembourg).

Groupe parlementaire

déi Gréng »

Devenez membre

Inscrivez-vous

Soutenez-nous

Faites un don