déi gréng Norden invitéieren op en Online-Diskussiounsowend

D’Route nationale 7 (N7) verbënnt zënter ronn 40 Joren den Norde vum Land mat der Nordstad. No joerzéngtelaangen Debatte ronderëm d’Sécherheet an dee villen Trafic, mécht de grénge Mobilitéitsminister François Bausch elo Neel mat Käpp an huet der Chamber e konkrete Finanzéierungsprojet proposéiert.

Wat gëtt gemaach, fir d’Sécherheet an de Verkéiersfloss op der N7 ze verbesseren? Wéi gëtt fir eng Verkéiersberouegung an den Dierfer gesuergt? Wéi reie sech dës konkret Projeten an eis landesplaneresch a multimodal Visioun fir den Norden an?

Stellt är Froen an diskutéiert:

• mat der Nord-Deputéiert Stéphanie Empain
• dem Vize-Premier a Mobilitéitsminister François Bausch
• an dem Energie- a Landesplanungsminister Claude Turmes

Facebook Event Online-Diskussioun 11.02.2021

Dir kënnt Är Froen och elo scho via Mail op greng@greng.lu eraschécken!

Oder Dir stellt Är Froen live op Zoom oder Facebook wärend der Diskussioun.

Och 2021 hale mir en digitale Kongress of.
Weider Informatiounen

An Europa leeft en hëtzegen Debat iwwert d’Zukunft vun eiser Energiepolitik. Et gëtt behaapt, d’Atomkraaft misst ausgebaut ginn, fir d‘Klima ze retten an eis Stroum-versuergung ze garantéieren.

Zum 35. Joresdag vun der Atomkatastroph vun Tschernobyl invitéieren déi gréng op en Online-Diskussiounsowend: Ginn ouni Cattenom d’Luuchten aus?

● mam Parteipresident Meris Sehovic
● dem Deputéierten François Benoy
● der Ëmweltministesch Carole Dieschbourg
● an dem Energie- a Landesplanungsminister Claude Turmes

Dir kënnt eis deen Owend är Froen stellen oder matdiskutéieren iwwert den Ëmwelt- a Klimaimpakt vun der Atomenergie, eis konkret Efforte fir Cattenom ofzeschalten, an d’Energie vun der Zukunft!

De Livestream gëtt iwwer Zoom an op eiser Facebook Saït iwwerdroen.

Froen am Virfeld: Dir kënnt Är Froen och elo am Virfeld via Mail op froen@greng.lu eraginn.