-
lu
Réunion pour les membres du comité exécutif du parti déi gréng
| Um Gemengewalkongress zu Zolwer hu mir beschloss, fir mat enger nationaler Spëtzekandidatur an d’Chamberwalen ze goen. No de véier Bezierksversammlunge wäerte mir dann den 28. Mäerz op engem ausseruerdentleche Kongress déi Persoun bestëmmen, mat där mir zesummen déi Wale vum 8. Oktober wëlle gewannen. Dat gëtt e ganz wichtege Moment!
Mir haten et schonns eng Kéier gesot: D’Chamberwale vun dësem Joer sinn esou oppen, wéi dat wuel nach ni an dësem Land de Fall war. Dat heescht fir eis, datt alles méiglech ass. Mir hunn déi lescht Joren an der Regierung gewisen, datt mir net zécke fir wichteg Dossieren unzepaken, och wann se mol méi onbequeem sinn. Rezent nach am Logement. An och déi nächst Jore wëlle mir mat Courage déi noutwenneg Verännerungen an eiser Gesellschaft erbäiféieren. Mir wëllen eng Zukunft schafen, déi alle Mënschen e gutt a fräit Liewen erméiglecht. Do virdrun ass et un eis, fir zesummen, als Ekipp, am Walkampf dofir ze suergen, datt 2023 e gréngt Joer gëtt: an eise Gemengen, an am Land! Esou wëlle mir, nodeems mir virun enger Woch op esou eng formidabel Aart a Weis an d’Gemengewale gestart sinn, och elo d’Chamberwalen mat der selwecht staarker Dynamik, Iwwerzeegung a Begeeschterung an Ugrëff huelen. Mir freeën eis dofir iech all den 28. Mäerz um ausseruerdentleche Kongress an der Stad begréissen ze kënnen. Djuna Bernard a Meris Sehovic Parteipresident*innen
ORDRE DU JOUR:
|
