Tramsarrêt zu Steebrécken/Wickreng

Réponse QP

1. Dezember 2025

Äntwert op d’parlamentaresch Fro vum eisem Députéierten Meris Sehovic zum Tramsarrêt zu Steebrécken/Wickreng un d’Madamm Ministesch fir Mobilitéit an Ëffentlech Aarbechten.

Ufanks der leschter Woch huet d’Ministesch fir Mobilitéit an Ëffentlech Aarbechten eng adaptéiert Versioun vum “Séieren Tram” virgestallt, déi en neie Pôle d’échange Steebrécken/Wickreng virgesäit. Dëse Pôle gëtt domat justifiéiert, datt an der direkter Proximitéit en neien, grousse Centre commercial entsteet, dee wichtege Verkéiersfloss generéiere wäert.

An dësem Kontext stellt sech d’Fro no der Roll vu private Promoteuren oder Entwéckler beim Finanzement vu grousse Mobilitéitsinfrastrukturen, déi an direkter Relatioun mat hirem Projet stinn. An anere Länner – dorënner zum Beispill d’Schwäiz – gëtt an esou Fäll heefeg eng Kofinanzéierung oder Participatioun vum private Promoteur virgesinn, fir d’ëffentlech Käschten deelweis ze kompenséieren.

An deem Zesummenhang wéilt ech Iech follgend Froe stellen:

• Ass an dësem konkrete Fall virgesinn, datt privat Entwéckler oder Promoteuren, déi vum neien Tramsarrêt profitéieren, sech un der Finanzéierung vun dëser Infrastruktur bedeelegen?
• Gëtt et aktuell en allgemenge Kader, deen esou eng Kofinanzéierung virgesäit oder erméiglecht? Wann nee, hält d’Regierung et fir sënnvoll, esou e Kader anzeféieren?
• Wéi eng Evaluatiounscritèrë goufen am Fall vum geplangten Arrêt zu Steebrécken/Wickreng benotzt, fir seng Notzung, säin Impakt op d’Fuerzäiten an d’Kohärenz mam PNM ze bewäerten?

Question parlementaire

Réponse