Déi gréng Fraktioun rekrutéiert

Green Job

15. Juni 2022

E*ng Mataarbechter*in an der Kommunikatioun (CDI / Vollzäit: 35 Stonne/Woch)

Du deels eis gréng Wäerter? Du interesséiers dech fir Politik an d’Zukunft vun eisem Planéit? Du hues eng Passioun fir sozial Medien a Kommunikatioun?

Da schéck deng Kandidatur bis den 10. Juli 2022 (inclus) un eis Fraktiounspresidentin Josée Lorsché.

Fëll dofir w.e.g. dëse Formulaire aus a schéck en op gdeltgen@chd.lu

Mir berécksiichtegen nëmme Kandidaturen, déi iwwert dëse Wee erakommen.

D’Virstellungsgespréicher si viraussiichtlech de Samschdeg 23. Juli moies an der grénger Fraktioun. En Test vu +/- 45 Minutten ass de Mëttwoch 20. Juli fir 19h00 geplangt,

Eng genee Beschreiwung vum Poste fënns du hei:

Zu dengen Aufgabe gehéieren ë.a.:

• Koordinatioun vun den Aktivitéite vun der grénger Fraktioun op eise verschiddene Social Media Kanäl
• Community-Management a Werbung
• Auswäertung an Analyse vun eisen Aktivitéiten op de soziale Medien
• Interne Conseil a Berodung fir eis Deputéiert
• Foto- a Bildveraarbechtung

Wat mir eis vun dir wënschen:

• E fundéierte Knowhow an e sécheren Ëmgang mat de soziale Medien a social media tools
• Eng Affinitéit fir d’Medielandschaft déi an engem stännege Wandel ass
• En Intressi un der grénger Politik an un de Positioune vun der grénger Fraktioun
• E gutt politescht Urteelsverméigen
• En Universitéitsstudium oder eng Ausbildung an engem relevante Beräich
• D’Fäegkeet fir komplex politesch Inhalter kënnen ze vermëttelen
• Stilsécher Formuléierungen a Schrëft a Sprooch – dat op Lëtzebuergesch, Däitsch Franséisch an Englesch. All aner Sprooch ass vu Virdeel
• Basis Kenntnisser vun Adobe CC si vu Virdeel, virun allem vu Photoshop, Premiere, InDesign an Illustrator
• E kale Kapp an den Iwwerbléck… och a méi hekteschen Zäiten

Wat mir dir offréieren:

• E spannend an dynamescht Aarbechtsëmfeld an enger kollegialer Equipe
• E vollzäit CDI. An der grénger Fraktioun ass dat eng 35 Stonnewoch
• Eng fair Pai, mat enger progressiver Grille de Salaire an engem 13. Mount
• Flexibel Aarbechtszäiten mat der Méiglechkeet deelweis aus dem Homeoffice ze schaffen
• D’Méiglechkeet fir dech weider ze forméieren
• Verschidden Offeren am Kader vun eiser Gesondheetsstrategie